Whaiā, whaiā
Whaiā ki te uru tapu nui o Tāne
Tāne te waiora, Tāne te pūkenga
Tāne te toko rangi
Puta ki te whaiao, ki te ao mārama
Tū te ngana, tū te maranga, te tuhi te raramā
E noho te mataara nei
E rongo whakairia ake ki runga
Kia tina! Tina! Hui e! Tāiki e!
E tō mātou Matua nui i te rangi,
Kia tapu tou ingoa.
Kia tae mai tou rangatiratanga.
Kia meatia tau e pai ai ki runga i te whenua,
kia rite anō ki tō te rangi.
Homai ki a mātou aianei he taro mā mātou mō tēnei rā.
Murua ō mātou hara, me mātou hoki e muru nei
i ō te hunga e hara ana ki a mātou.
Aua hoki mātou e kawea kia whakawaia;
engari whakaorangia mātou i te kino.
Nou hoki te rangatiratanga, te kaha me te kororia
Ake, ake, āmine.
Unuhia, unuhia
Unuhia ki te uru tapu nui
Kia wātea, kia māmā, te ngākau, te tinana, te wairua i te ara takatā
Koia rā e rongo whakairia ake ki runga
Kia tina! Tina! Hui e! Tāiki e!
Kia tau ki a tātou katoa
Te atawhai o tō tātou āriki, a Ihu Karaiti
Me te aroha o te atua
Me te whīwhingātahitanga ki te wairua tapu
Ake, ake tonu atu
āmine.
Nau mai e ngā hua o te wao,o te ngākina, o te wai tai, o te wai Māori.
Nā Rongo, nā Tāne, nā Tangaroa, nā Maru.
Ko Ranginui e tū nei. Ko Papatuānuku e takoto nei.
Tūturu whakamāua kia tina!
Tina ! Hui e!Tāiki e!
E te Atua whakapaingia ēnei kai.
Hei oranga mō ō mātou tinana.
Whangaia hoki ō mātou wairua ki te taro o te ora.
Ko Ihu Karaiti tō mātou kaiwhakaora.
Site map